Álem elderinde medbıke jetispeı jatyr – DDU
«Koronavırýspen kúresimiz qoǵam úshin jáne barlyǵymyz úshin de medbıke mamandyǵynyń qanshalyqty mańyzdy ekendigin taǵy bir márte kórsetip berdi. Eń qaýipti jaıtpen, barynsha aýyr eńbek jaǵdaıymen betpe-bet kelgen búkil Eýropa óńirindegi jáne álem medbıkeleri bul syn-tegeýirindi batyldyqpen ári kásibı biliktilikpen qarsy aldy. Olar aldyńǵy sheptegi barlyq medıtsına qyzmetkerlerimen birge bizdiń tereń qurmetimiz ben alǵysymyzǵa laıyq», - dedi DDSU Eýropalyq óńirlik bıýrosynyń dırektory Hans Anrı P.Klıýge.
Uıymnyń Qazaqstandaǵy keńsesi usynǵan derekterge sáıkes, búginde álemde 28 mıllıonǵa jýyq medıtsına qyzmetiniń qyzmetkerleri bar. Al Eýropa óńirinde 7,3 mln medbıke bar nemese 10 myń turǵynǵa shamamen 79 medbıkeden keledi. DDSU zertteýine sáıkes, medbıkelerdiń shamamen 90 paıyzyn áıelder quraıdy jáne olardyń tek 25 paıyzy ǵana basshylyq laýazymda qyzmet etedi.
«Medbıkeler - bul densaýlyǵymyzben baılanysty kóptegen problemalarymyzdy sheshý kilti. Eger myqty medıtsınalyq qyzmet bolǵanyn qalasaq,onda medbıkelerge ınvestıtsııa salyp, oqytýymyz kerek. Olar halyqaralyq standarttar men bilim deńgeıine saı bolýy tıis. Sonymen qatar olarǵa tıisti qural-jabdyqtarda qoljetimdi bolýy qajet. Medbıkeler jumystaryna laıyqty jalaqy alyp, kásibı biliktilikterin damytýǵa da múmkindikteri bolýy kerek», - dedi Dúnıejúzilik densaýlyq saqtaý uıymynyń Qazaqstandaǵy ókili Kerolaın Klarınval.