Álem elderinde koronavırýsqa qatysty jaǵdaı 2-3 aıda sheshimin tabady - mınıstr
«Juqpaly aýrý adamnan adamǵa juǵady. Bizdiń negizgi maqsatymyz – osy ınfektsııany toqtatyp, onyń taralýyna jol bermeý. Árıne, jaýapkershilik óte mańyzdy, jaǵdaıdy barlyǵymyz durys túsinýimiz kerek. Únemi qorqyp, tyǵylyp úıde otyrý degen durys emes, biraq saqtaný sharalaryn ustaný kerek. Gıgıenalyq talaptardy saqtaý qajet», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Osy oraıda E. Birtanov ınfektsııanyń taralýynyń aldyn alý úshin BAQ-ta túsindirý jumystaryn keńinen júrgizýdi surady.
«Sizderge meniń ótinishim bar, buqaralyq aqparat quraldarynyń múmkindigin paıdalanyp, azamattarǵa túsindirý sharalaryn júrgizý kerek. Basqa memleketterde de 2-3 aıdyń ishinde másele sheshiledi, ınfektsııa toqtaıdy. Sondyqtan jaǵdaıdy túsinip, gıgıenaǵa mán bergen durys», - dedi mınıstr.
Budan buryn habarlanǵandaı, QR Densaýlyq saqtaý mınıstri Eljan Birtanov koronavırýs juqtyrǵan úshinshi adam Mılannan kelgenin aıtty.
Mınıstr koronavırýs ınfektsııasyn juqtyrǵan Qazaqstannyń eki azamaty Germanııadan kelgenin málim etti.