Álem elderinde qazaq tilin úıretetin 30-dan astam synyp bar
«Pandemııa kezinde birqatar is-sharany keıinge qaldyrýǵa týra keldi. Degenmen qol qýsyryp otyrmaı keıbirin onlaın ótkizdik. Mysaly, ótken jyly sheteldegi qandastardyń qatysýymen 20-ǵa jýyq shara ótti. Oǵan 6 myńnan astam qandas qatysty. Al bıyl 10 aıdyń ishinde taǵy 20 –ǵa jýyq túrli formattaǵy is-shara uıymdastyryldy. Sondaı-aq, ana tilin úırengisi keletin syrttaǵy qandastar úshin onlaın jáne oflaın formatta kýrs uıymdastyrylyp jatyr. Qazirgi ýaqytta álemniń 12 elinde 31 qazaq tilin úırený synyby jumys istep tur», - dedi Maǵaýııa Sarbasov sheteldegi qazaqtildi BAQ assotsıatsııasynyń qurylýyna arnalǵan sharada.
Onyń aıtýynsha, sheteldegi qazaq tilin úırený synyptary qajetti oqýlyq jáne qural-jabdyqtarmen qamtylǵan.
«Odan bólek, sheteldegi kishkentaı qandastarymyzdy da nazardan tys qaldyrmadyq. Atap aıtqanda, balalarǵa arnalǵan «Týǵan jerge saıahat», «Uly dala urpaǵy» baǵdarlamalary iske qosyldy. Bizdegi qolǵa alynǵan taǵy bir joba «Kıeli Qazaqstan» dep atalady. Jobany maqsaty – sheteldegi jas qandastarǵa otanyn kórsetý, syrttaǵy jas baýyrlarymyzdyń basyn qosý. Ótken aptada ǵana shetelden bir jas qandas Qazaqstanǵa keldi. Onyń aıasynda kezdesý, shyǵarmashylyq jarys taǵy sol sekildi sharalar ótti. Shetelde týylyp Qazaqstanda bolyp kórmegen qanshama jas qandasymyz bar, olar atajurtty kórgisi keledi», - deıdi ol.
Sheteldegi jas qandastardyń basyn qosý sharasy bıyl Almatyda ótken, kelesi jyly ShQO-da ótkizý josparlanyp otyr.
Aıta ketsek, búgin Qazaqstanda sheteldegi qazaqtildi buqaralyq aqparat quraldarynyń basyn biriktirgen assotsıatsııa quryldy.
Buǵan deıin qordyń vıtse-prezıdenti Maǵaýııa Sarbasov sheteldegi 1 mıllıonǵa jýyq qandasymyz elge oralýǵa nıetti ekenin jetkizdi.
Odan bólek, búginde shet memleketterde turatyn qandastardy elge qaıtarýdyń tujyrymdamasy ázirlenip jatyr.
