Álem elderi koronavırýspen qalaı kúresip jatyr
NUR-SULTAN. QazAqparat - Eýropalyq komıssııa týrıstik maýsym bastalar aldynda Eýroodaqqa biryńǵaı «tsıfrlyq jasyl sertıfıkat» qujatyn engizbek.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Atalǵan qujat adamnyń covid-19-ǵa qarsy ekpe alǵanyn nemese koronaıvrýsqa tekserýden ótkenin bildiredi. ıAǵnı, ol adam Eýropa aýmaǵynda erkin júre alady.
Izraıl memleketi de osyndaı sharalar qoldanyp jatyr. Barlar, meıramhanalar, murajaılar men teatrlar qaıtadan ashylǵannan beri bir aptadan astam ýaqyt ótti. Biraq siz olarǵa «jasyl tólqujat» bolǵan jaǵdaıda ǵana kire alasyz - Izraılde vaktsına tólqujattary osylaı atalady. Qujat vaktsınanyń ekinshi dozasyn alǵannan keıin bir aptadan soń beriledi.
Reseı kovıdtik shekteýlerdi birtindep alyp tastaı bastady: Prezıdenttiń baspasóz hatshysy Dmıtrıı Peskov statıstıka buryn engizilgen sanıtarlyq sharalardy kezeń-kezeńimen alyp tastaýǵa múmkindik beretinin aıtty. Sonymen birge, Reseı bıligi, koronavırýstyń jańa shtamdary paıda bolý múmkindigine oraı, qyraǵy bolýǵa shaqyrady.
Ispanııada týrıstik maýsym bastalyp jatyr. Benıdorm jaǵajaılarynda demalýshylar kóbeıýde. Eger kelýshiler koronavırýsqa teris nátıjeli test usynǵan jaǵdaıda, Gandııa 50 myńnan astam adamdy qabyldaýǵa daıyn.
