Álem elderi karantındegi azamattardy qalaı baqylaıdy – Der Spiegel
NUR-SULTAN. QazAqparat - Álemde koronavırýs keń tarady. Degenmen, oǵan qarsy sharalar birdeı. Eýropa, AQSh, Úndistan, Qytaı karantınde jatqan adamdardy qalaı baqylaıdy? Bul máseleni Der Spiegel zerttep kórdi.
«Gonkongte karantındegi azamattar elektrondy braslet taǵady. Qytaıda páter esiginiń aldyna 14 kúnge kamera ornatylady. Sonymen qatar Qytaı kúnine 116 mln maska shyǵaratyndyqtan, azamattardyń barlyǵy maska taǵady. Ońtústik Koreıada pandemııa bastalǵaly maskalar suranysta bolǵanymen, qazir memleket maska satylymyna baqylaý engizgen. Munda bir adam bir aptada eki maska ǵana satyp ala alady, sonymen qatar jeke kýálik kórsetý mindettelgen», - dep jazady avtor.
Onyń aıtýynsha, Ońtústik Koreıada adamdardyń júrip-turýy shektelgenimen, azamattar 2 metr araqashyqtyqty saqtaýǵa tyrysady.
«Máskeýde azamattar tek medıtsnalyq kómek alý úshin nemese dúkenge barý úshin ǵana úıinen shyǵa alady. Degenmen, bul mindettelmegendikten, talaptyń oryndalýy da qıynǵa soǵyp jatyr. Al Ispanııada ıtter defıtsıti baıqalady. Munyń sebebi – bul memlekette tek úı janýaryn dalaǵa shyǵarýǵa ǵana ruqsat berilgen. Basqa jaǵdaıda 600-den 30 myń evroǵa deıin aıyppul tólenedi», - dep jazady avtor.
Al Italııada áleýmettik daǵdarys dendep barady. Sondyqtan úkimet kómek qajet etetin azamattarǵa azyq-túlik kartochkasyn taratyp jatyr. Memleket tegin azyq-túlik taratý maqsatyna 400 mln evro bólgen.
«Al Parıjde úısizderge aqsha berý sap tyıyldy. Degenmen, úkimet olardy ornalastyrý úshin qonaqúılerden oryn daıyndap jatyr. Bul ınfektsııa juqtyrý kórsetkishin azaıtý maqsatynda qolǵa alynyp otyr. AQSh-ta da úı-kúıi joqtar zamanaýı qonaqúılerge ornalasý múmkindigine ıe bolýy múmkin. San-Frantsısko myńdaǵan qonaq úı nómirin úısizderdi ornalastyrýǵa nemese koroanvırýspen aýyratyndardy jatqyzýǵa daıyndap jatyr. Al Nıý-Iorkte Manhettendegi konferentsııa ortalyǵy myń adamǵa arnalǵan ýaqytsha aýrýhanaǵa aınalady. Degenmen, munyń ózi jetkiliksiz. Nıý-Iorkte 140 myń oryn qajet, al qazir tek 53 myńy bar», - dep jazady avtor.
Onyń aıtýynsha, Avstrııa astanasy Vena qalasynda polıtsııa qart adamdarǵa dúkennen azyq-túlik ákelip beredi. Al Úndistanda karantınde jatqan adamdardyń qolyna arnaıy belgi qoıylady. Osylaısha olardan azamattar aýlaq júrip, beımaral júrgenderdi polıtsııaǵa tapsyra alady.
