Álem ekonomıkasyn qalpyna keltirý úshin bes jyl kerek – Dúnıejúzilik bank
NUR-SULTAN. QazAqparat – Koronavırýs indeti saldarynan bolǵan daǵdarystan keıin álem ekonomıkasyn qalpyna keltirýge bes jylǵa deıin ýaqyt qajet bolýy múmkin. Bul týraly Dúnıejúzilik banktiń bas ekonomısi Karmen Reınhart málimdedi, dep habarlaıdy QazAqparat Reuters agenttigine silteme jasap.
«Karantınge baılanysty qoıylǵan shekteýler alynǵannan keıin jedel qalpyna kelý protsesi bastalady, biraq tolyq qalpyna keltirý úshin bes jylǵa jýyq ýaqyt qajet bolady», - dedi Karmen Reınhart.
Sondaı-aq mamannyń aıtýynsha, pandemııadan týyndaǵan daǵdarys keı elderde uzaqqa sozylyp, teńsizdik máselesi ýshyǵyp ketýi múmkin. Sebebi daǵdarystan baı elderge qaraǵanda kedeı elder kóbirek zardap shegedi.
Karmen Reınhart 20 jylda alǵash ret daǵdarystan keıin álemdegi kedeılik deńgeıiniń artatynyn atap ótti.
