«Alem credit» ınternet-platformasyn uıymdastyrýshylar izdestirilip jatyr — Bas prokýror
ASTANA. KAZINFORM — «Alem credit» ınternet-platformasyn uıymdastyrýshylar izdestirilip jatyr. Bul týraly Quryltaı depýtattarynyń saýalyna Bas prokýror Berik Asylovtyń jaýabynda aıtylǵan.
Onyń málimetinshe, 2026 jylǵy 13 tamyzda Almaty qalalyq ekonomıkalyq tergep-tekserý departamenti «Alem credit» ınternet-platformasynyń zańsyz qyzmeti faktisi boıynsha sotqa deıingi tergep-tekserýdi bastady. Platforma tsıfrlyq aktıvterde qaryz berýshi retinde kórsetilgen. Biraq is júzinde azamattarǵa jedel, aqyly jəne qaıtarymdy sharttarmen ulttyq valıýtada aqshalaı qarajat bergen.
— 8 zańdy jəne 7 jeke tulǵanyń shottaryn paıdalanǵany anyqtaldy. Tintý júrgizildi, baqylaýdaǵy uıymdardyń ıeleri, býhgalterler men IT-mamandardan jaýap alyndy. Bıyl 18 tamyzynda platformamen baılanysty ınternet-resýrstarǵa qoljetimdilik shekteldi. Qazirgi ýaqytta zańsyz qyzmetti uıymdastyrýshylar, jəbirlenýshiler jəne paıdalanylǵan tólem quraldary anyqtalyp jatyr. Tergep-tekserý barysy Almaty qalasy prokýratýrasynyń baqylaýynda tur, — dedi Berik Asylov.
Bas prokýrordyń málimetinshe, jyl basynan beri qylmystyq qýdalaý organdarynyń is júrgizýinde zańsyz mıkroqarjy qyzmeti týraly 19 qylmystyq is bolǵan Onyń 10-y sotqa jiberildi, 4-eýi raqymshylyqqa baılanysty toqtatyldy.
Buǵan deıin Quryltaı depýtaty ıÝrıı Lı bergen qaryzyn 23 eselep qaıtarýdy talap etken kredıtorlardy jazalaýdy usynǵan edi.
