Álem chempıony úshinshi ret ótetin Golovkın-«Kanelo» aıqasyna boljam jasady
NUR-SULTAN. QazAqparat – WBO tujyrymy boıynsha jartylaı jeńil salmaqtaǵy álem chempıony meksıkalyq Emanýel Navarrete otandasy Saýl «Kanelo» Alvares 17 qyrkúıekte ótetin Gennadıı Golovkınmen úshinshi aıqasta jeńedi dep esepteıdi, dep jazady Sports.kz.
Emanýeldiń pikirinshe, «Kanelonyń» jasy men salmaq dárejesin aýystyrǵandaǵy tájirıbesi basymdyq beredi.
«Men munda ýaqyt mańyzdy faktor dep esepteımin. Ókinishke qaraı, ol GGG jaǵynda emes. «Kanelo» myqtyraq bola beredi jáne GGG-dyń álsirep kele jatqany onyń kinási emes. Bul tabıǵı protsess. «Kanelo» ózin aýyr dıvızıondarda synap kórdi. Bul onyń basymdyǵy bolmaq.
«Kanelo» qatty senimdi bolýǵa múmkindik bermeıdi, sebebi GGG onyń mindetin qıyndatýy múmkin. Biraq, ol Golovkındi nokaýtqa jiberýge tyrysyp kóredi. Eger Gennadıı tóreshilerdiń sheshimimen jeńse, «Kaneloǵa» qurmetpen qaramaıdy dep oılaımyn», - dedi Navarrete DAZN-ǵa bergen suhbatynda.
Foto: sports.kz
