Álem chempıony tıtýlyn qorǵar aldynda dopıngpen ustaldy
NUR-SULTAN. QazAqparat – WBC nusqasy boıynsha ekinshi jeńil salmaqtaǵy álem chempıony meksıkalyq Oskar Valdes Dopıngke erikti testileý qaýymdastyǵynyń (VADA) antıdopıngtik testinen óte almaı qaldy. Boksshynyń aǵzasynan tyıym salynǵan preparat fenetermın tabylǵan, dep habarlaıdy QazAqparat Sports.kz saıtyna silteme jasap.
Búkilálemdik boks keńesiniń (WBC) ókilderi bul jaǵdaı boıynsha zertteý aıaqtalmaıynsha, qandaı da bir túsinikteme berýden bas tartty. Osylaısha, AQSh-tyń Arızona shtaty, Týson qalasynda Casino Del Sol-da 10 qyrkúıekke josparlanǵan Oskar men brazılııalyq Robson Konseısan arasyndaǵy jekpe-jektiń taǵdyry belgisiz bolyp otyr.
Eske sala keteıik, Oskar osy jyldyń 20 aqpanynda ekinshi jeńil salmaqta chempıon beldigin jeńip aldy. Ol onynshy raýnda óziniń otandasy Mıgel Bercheltany nokaýtqa jibergen bolatyn.
