Álem chempıony Sáken Bıbosynovqa Túrkistannan 2 bólmeli páter berildi

TÚRKІSTAN. QazAqparat-Bokstan Tokıo olımpıadasynyń qola júldegeri, álem chempıony Sáken Bıbosynovqa Túrkistannan eki bólmeli páter berildi, dep habarlaıdy QazAqparat tilshisi.

«Túrkistandy túletken» atty jyl qorytyndysyna arnalǵan is sharada oblys ákimi Ómirzaq Shókeev boksshyǵa páter kiltin tabys etti. Páter «Syrdarııa» turǵyn úı kesheninde ornalasqan. «Alda Túrkistanǵa qonys aýdaramyn. Osynda jattyǵamyn. Jańadan qurylyp jatqan «Turan» boks klýbynda jattyǵý jasap, ári jastarǵa sheberlik sabaǵyn ótkizýdi josparlap otyrmyn», - deıdi Sáken Bıbosynov.

Aıta keteıik, Tokıoda ótken Olımpıada oıyndarynyń qola júldegeri, Serbııanyń Belgrad qalasynda ótken álem chempıonatynda altyn medal ıelengen Sáken Bıbosynov ómirindegi jaqsy jańalyqtar jaıynda bizdiń agenttikke suhbat bergen bolatyn.