Álem chempıony P.Kýıllın WBA chempıony G.Golovkınmen saıysqa daıyn
ASTANA. QazAqparat - 35 jastaǵy cheh Lýkash Konechnany tóreshiler sheshimimen jeńgen WBO nusqasy boıynsha álem chempıony, orta salmaqtaǵy 30 jastaǵy Pıter Kýıllın osy salmaqtaǵy WBA chempıony, qazaqstandyq Gennadıı Golovkınmen saıysqa ázir ekendigin amerıkandyq boksshynyń promoýteri Rıchard Shefer málimdedi .
Sport Illustrated basylymynyń sholýshysy Krıs Mennıks óziniń mıkroblogynda Kýıllın-Golovkın saıysyna qatysty Sheferdiń: «Bizge usynys jasańyzdar. Biz saıysýǵa daıynbyz», - degen sózderin keltirgen. Qazirgi kezde Golovkınniń komandasy Gennadııdiń orta salmaqtaǵy burynǵy álem chempıony ataǵynyń ıegeri meksıkandyq Hýlıo Sezar kishi-Chavespen jekpe-jegin uıymdastyrý jónindegi kelissózderdi aıaqtaý qarsańynda, dep habarlady zakon.kz. .
