Álem chempıony Krıs ıÝbenk Golovkındi jekpe-jekke shaqyrdy
Aty ańyzǵa aınalǵan kishi Roı Djonstyń basshylyǵymen jattyǵyp júrgen brıtandyq boksshy jaqynda nemistiń Team Sauerland promoýterlik kompanııasymen kelisimshartqa qol qoıyp, sonyń kómegimen mansabynda kóterilýge nıetti.
«Bitpegen isti aıaqtaıtyn kez keldi. Promoýterlerim men bas tarta almaıtyn usynys jasady. Qazirgi kezde naǵyz babymdamyn jáne nómiri birinshi úmitker bolyp turmyn. Jańa jattyqtyrýshym, jańa promoýterim bar, bul óz jemisin beredi. Men rıngte Golovkınmen shyǵýdy qalaımyn», - dep málimdedi brıtandyq boksshy The Independent-ke bergen suhbatynda.
ıÝbenktiń promoýteri Kalle Zaýerland qaramaǵyndaǵy sportshynyń 2021 jyly jekpe-jekteriniń kestesin josparlap, bul tizimge GGG-men aıqasty kirgizýge úmittenip otyr.
«ıÝbenk rıngke sáýir aıynda, odan keıin jazda jáne jyldyń sońynda shyǵady. Bizdiń josparymyz osy. Biz Golovkın jáne Kell Brýkpen judyryqtasýdy kózdep otyrmyz – bul tamasha jekpe-jek bolar edi», - dep qosty ol.
