Álem chempıony, qazaqstandyq Isa Aqberbaev kelesi urysyn 1 maýsymda Máskeýde ótkizedi
ASTANA. QazAqparat - Qazaqstandyq IBO Intercontinental (11-0, 7 KO) nusqasy boıynsha álem chempıony ataǵynyń ıegeri Isa Aqberbaev kelesi aıqasyn Máskeýde kenııalyq boksshymen ótkizedi.
Bul jekpe-jek Mytışı sport arenasynda Chýdınov-Nılsen boks keshi aýqymynda bolady. Onyń 8 raýndtyq aýyr salmaqtaǵy urysyndaǵy qarsylasy kenııalyq boksshy bolmaq. Bul saıys «KazSport» telearnasynan kórsetiledi.
Bul keshtegi urystar kásibı boks salasyndaǵy «THE GOLDEN GLOVES-2: BLACKENERGY» ІІ jylsaıynǵy halyqaralyq syılyq aýqymynda ótedi, oǵan belgili sport promoýteri Vladımır Hrıýnov jáne Maık Taısonnyń BLACK ENERGY brendi bastamashy boldy.
Sharaǵa Evander Holıfıld jáne Kostıa Tsze sııaqty ańyzǵa aınalǵan sportshylar, sondaı-aq bokstan qazirgi chempıondar, kásibı federatsııanyń tańdaýly sheberleri, reseı juldyzdary jáne saıası jáne bıznes-elıta ókilderi qatysady.
QazAqparat anyqtamasy:
Isa Baqytjanuly Aqberbaev - qazaqstandyq 90,892 kelige deıingi birinshi aýyr salmaqtaǵy kásibı boksshy. 1983 jyly 11 mamyrda Qostanaıda týǵan. 2009 jylǵy 19 tamyzda alǵash ret kásibı rıngke shyqty, sodan beri 11 urys ótkizdi, onyń barlyǵynda jeńip, jeteýinde nokaýtqa jiberip, jeńiske ıe boldy.
