Álem chempıony, qazaqstandyq boksshy G. Golovkın kezekti jekpe-jegi úshin salmaq tastaýǵa ázir
ASTANA. 3 sáýir. QazAqparat - WBA jáne IBO nusqalary boıynsha álem chempıony, qazaqstandyq bylǵary qolǵap sheberi Gennadıı Golovkın kezekti jekpek-jek aldynda birneshe keliden arylýǵa ázir.
Bul jaıynda ataqty sporttyq sholýshy Den Rafael málim etti. Onyń sózin G.Golovkınniń «Kontaktide» áleýmettik jelisindegi tobyna silteme jasap Vesti.kz keltirip otyr.
«Ortasha salmaqtaǵy WBA chempıony Gennadıı Golovkın 20 sáýir kúni ortasha salmaqtaǵy WBS chempıony Saýl «Kanaelo» Alvares pen osy salmaqtaǵy WBA nusqasy boıynsha chempıon Ostın Traýttiń arasynda ótetin birikken jekpe-jektiń jeńimpazymen kezdesýge ázir. Atalmysh kezdesý úshin Golovkın 154 fýnt (70 kelige deıin) salmaq dárejesine túsýge daıyn.
Golovkınniń bul jekpe-jekke qyzyǵýshylyǵyn onyń menedjeri Tom Leffer de rastady. Sondaı-aq onyń aıtýynsha, bıyl G.Golovkın shaqyrý qabyl alynǵan jaǵdaıda WBS nusqasy boıynsha ortasha salmaqtaǵy álem chempıony Serhıo Martınespen de kúsh synasýǵa daıyn.
