Álem chempıony Golovkın - «Kanelo» jekpe-jegine baǵa berdi

ASTANA. QazAqparat - IBF, WBA Super jáne IBO nusqalary boıynsha álem chempıony Djarrett Herd Gennadıı Golovkın men Saýl Alvarestiń 15 qyrkúıekte Las-Vegasta ótken sońǵy jekpe-jegine óz baǵasyn berdi, dep habarlaıdy QazAqparat Sports.kz-ke silteme jasap.

«Men negizi bul aıqasta GGG jeńdi dep júrgenmin. Biraq sosyn jekpe-jekti qaıtadan muqııat qarap shyqtym da, kóp adamnyń nege «Kaneloǵa» súısinip júrgenin túsindim. Alvares Golovkınge ne kerek bolsa, sony berdi. GGG qashyp júrdi, biryńǵaı qarymta soqqy berip, «djebten» asa almady.  Onyń soqqylary jaman emes, biraq bul kezdesýde «Kanelonyń» jeńgeni aıdan anyq kórinip tur. Golovkın jasy kelip, qartaıa bastaǵanyn bildirip qoıdy ma? Aıta almaımyn. Ol buryn da «djebpen» jumys jasaıtyn, biraq bul joly tikeleı denege judyryq jumsamady. Degenmen, Alvarestiń ózine tán erekshe «meksıkalyq stılin» atap ótý kerek», - dedi Herd Laugh At First Site jýrnalyna bergen suhbatynda. 

Foto: vk.com/ggolovkin