Álem chempıony Golovkın-Djeıkobs kezdesýine boljam jasady
ASTANA. QazAqparat - Úsh túrli salmaq dárejesi boıynsha, álemniń eks-chempıony Sheın Mozlı EsNews basylymyna bergen suhbatynda aldaǵy ýaqytta bolatyn Gennadıı Golovkın (36-0, 33 KO) men Denıel Djeıkobs (32-1, 29 KO) arasynda bolatyn jekpe-jekke baılanysty boljamyn aıtty. Bul týraly Sports.kz. habarlaıdy.
«Maǵan eki boksshynyń ekeýi de unaıdy. Djeıkobs óte jyldam ári aılaly, ol óte jaqsy soqqy bere alady jáne shıraq qozǵalady. Alaıda, bul kezdesý ol úshin óte aýyr bolady. Menińshe, onyń jyldamdyǵy tek 4-5 raýndqa ǵana jetedi. Odan soń Golovkın onyń kúshin sarqyp, jeńiske jetedi»,-dedi Mozlı.
Golovkın-Djeıkobs kezdesýi 18 naýryz kúni Nıý-Iorktegi Madison Square Garden arenasynda ótedi.
