Álem chempıony Gennadıı Golovkın óziniń kezekti jekpe-jegin qazan aıyna deıin ótkizedi
ASTANA. 1 shilde. QazAqparat - Qazaqstandyq bylǵary qolǵap sheberi, WBA nusqasy boıynsha álem chempıony Gennadıı Golovkın óziniń kezekti jekpe-jegin tamyz nemese qyrkúıek aılarynda ótkizedi.
Bul týraly G.Golovkın brıtandyq Mettıý Maklındi úshinshi raýnda nokaýtpen jeńgennen keıin ótken baspasóz máslıhatynda qazaqstandyq sportshynyń promoýteri Tom Leffer málim etti. Bul týraly Vesti.kz habarlady.
Eske sala keteıik, Maklındi tize búktirgen Golovkınniń qorjynynda 27 kezdesýdegi 27 jeńis bar. Onyń ishinde qazaqstandyq óz qarsylastaryn 24 ret nokaýtqa jibergen. Maklındi jeńgeni úshin otandasymyz 350 myń AQSh dollaryna ıe boldy.
