Álem chempıony D. Kýzın Astanada ótetin konkımen júgirý marafonyna qatysady
ASTANA. 30 naýryz. QazAqparat - Jeksenbi, 31 naýryz kúni Astanadaǵy «Alaý» muzaıdyny saraıynda osymen ekinshi ret «Alau Ice Marathon-2013» konkımen júgirý marafony ótedi.
«Alaý» uıymdastyryp otyrǵan marafon - Qazaqstan chempıony ataǵymen birge aqshalaı júldege ıe bolýǵa múmkindik beretin jalǵyz jarys. Aǵymdaǵy jyly birinshi júldeni utyp alǵan sportshyǵa 450 myń teńge beriledi.
Marafonmen Qazaqstan Respýblıkasynyń ІІІ spartakıadasy aıaqtalady.
«Alau Ice Marathon-2013» marafonyna álem chempıony Denıs Kýzın de qatysyp, jeke júldeler úshin jáne Qostanaı oblysynyń komandasy sapynda jarys jolyna shyǵady.
