Álem chempıony atanǵan 21 jastaǵy qazaqstandyq boksshy álemdik reıtıngide joǵarylady

NUR-SULTAN. QazAqparat - Qazaqsstandyq boksshy Talǵat Shaıken (7-0, 4 KO) tıtýldyq aıqasta jeńiske jetip, Boxrec.com saıtynyń reıtınginde óz ornyn jaqsartty, dep habarlaıdy QazAqparat Sports.kz-ke silteme jasap.

Shaıken Almatydaǵy boks keshinde óner kórsetip, tóreshilerdiń biraýyz sheshimimen ýkraınalyq Vladımır Gordıenkony (9-4, 4 KO) jeńdi. Nátıjesinde 21 jastaǵy qazaqstandyq WBC tujyrymy boıynsha bos turǵan jartylaı orta salmaqtaǵy «jastar arasyndaǵy» álem chempıony tıtýlyn ıelendi.

Talǵat Shaıken BoxRec reıtınginde 79-ynshy orynnan 63-ke kóterildi. Sportshy ótken jyly tamyzda kásipqoı boksta debıýt jasaǵan bolatyn. Sodan beri ol jeti ret jekpe-jek ótkizip, jeti ret jeńiske jetti (tórteýi – nokaýtpen). Aıta keteıik, Almatydaǵy aıqas onyń kásibı mansabyndaǵy birinshi tıtýldyq jekpe-jegi.