Álem chempıony ataǵynan úmitti qazaqstandyq boksshy salmaq ólshedi

ALMATY. QazAqparat - 25 naýryz kúni Almatyda Kazakhstan MTK promoýterlik kompanııasynyń uıymdastyrýymen Fight Night boks keshi ótedi. Bul týraly QazAqparat Sports.kz saıtyna silteme jasap habarlaıdy.

Shoýdyń negizgi jekpe-jeginde qazaqstandyq boksshy Raı Seıitjanov (9-0, 6 KO) kásibı rıngte jeńilip kórmegen meksıkalyq Hose Makıas Henrıkespen (15-0, 7 KO) judyryqtasady. Báseke WBO tujyrymy boıynsha birinshi jartylaı orta salmaqtaǵy «jastar» chempıony tıtýly úshin bolady.

Jekpe-jekten bir kún buryn eki qarsylas da salmaq ólsheý rásiminen (lımıt 63,5 kelige deıin) ótti.

Eske salaıyq, bul keshtiń basty oqıǵasy birinshi aýyr dıvızıondaǵy qazaqstandyq Qamshybek Qońqabaev (4-0, 3 KO) pen ózbekstandyq Farrýh Djýraev (6-5-1, 2 KO) arasyndaǵy jekpe-jek bolmaq.