Álem chempıony Mereı Aqshalov Qazaqstan boks federatsııasynyń bas hatshysy boldy

ASTANA. KAZINFORM – Qazaqstan boks federatsııasy prezıdentiniń buıryǵymen Mereı Tólegenuly Aqshalov QBF bas hatshysy qyzmetine taǵaıyndaldy.

Qazaqstan boks federatsııasynyń baspasóz qyzmetinen málim etkenindeı, Mereı Aqshalov 36 jasta, bokstan álem jáne Azııa chempıony, QR eńbek sińirgen sport sheberi.

Mereı Aqshalov 1988 jyly 8 mamyrda Abaı oblysy Aıagóz aýdany Myńbulaq aýylynda dúnıege kelgen.

2004 jyly kadetter arasynda Azııa chempıony atanǵan M.Aqshalov Beıjiń Olımpıadasyna qatysty.

2013 jyly áýeli Azııa, keıin álem chempıony atandy. Osy jyldyń qorytyndysy boıynsha «Azııanyń úzdik boksshysy» jáne Qazaqstanda «Jyldyń úzdik sportshysy» ataǵyna ıe boldy.

M.Aqshalov – «Qurmet» ordeniniń ıegeri.

Eske sala keteıik, budan buryn bokstan 2025 jylǵy álem kýbogynyń kezeńi Qazaqstanda ótetinin jazǵan bolatynbyz.