Álem chempıony Mádı Nábıev referendýmda óz tańdaýyn jasady
TÚRKІSTAN. KAZINFORM – Túrkistan oblysy Tólebı aýdanynyń týmasy, ardagerler arasynda sambodan álem chempıony Mádı Nábıev referendým ýchaskesine kelip, óz tańdaýyn jasady.
Tanymal sportshy saıası naýqanǵa belsendi qatysyp, turǵyndardy el bolashaǵyna beıjaı qaramaı, daýys berýge shaqyrdy.
– El erteńi úshin mańyzdy saıası naýqanǵa qatysý barshamyzdyń mindetimiz dep bilemin. Sondyqtan da tańmen talasa turyp, ózim tirkelgen ýchaskege alǵashqylardyń biri bolyp kelýge tyrystym. Ózge otandastarymdy da saıası naýqanǵa belsene qatysýǵa shaqyramyn, - dedi álem chempıony.
Aıta keteıik, Mádı Báıdilláuly 2021 jyly Portýgalııa eliniń Lıssabon qalasynda dzıýdo kúresinen 90 keli salmaqta álem chempıony atanǵan. Sondaı-aq, 2017 jyly sambo kúresinen álem chempıony bolsa, qazaq kúresinen elimizdiń birneshe dúrkin jeńimpazy ataǵyn ıemdengen.