Álem chempıony Qajymuqan Muńaıtpasov týraly kórkem fılm kórermenge jol tartady

ASTANA. KAZINFORM — 10 qazannan bastap elimizdiń barlyq kınoteatrlarynda «Qajymuqan» fılmi kórsetilimin bastaıdy. Fılm rejısseri Qanaǵat Mustafın tarıhı fılm stsenarııine 2012 jyly kirisip, 2020 jyly túsirilimin bastap, 10 jyldan astam ýaqyt zertteý júrgizip, úlken ekranǵa usynbaq. Bul týraly fılm rejısseri Qanaǵat Mustafın habarlady.

Týyndy QR Mádenıet jáne aqparat mınıstrliginiń jáne Ulttyq kınony qoldaý memlekettik ortalyǵynyń qoldaýymen túsirildi.

Qajymuqan Munaıtpasov — frantsýz kúresinen álem chempıony atanǵan tuńǵysh qazaq, álemdik, óńirlik, reseılik, keıin Búkilodaqtyq sýper aýyr salmaqtaǵy klassıkalyq kúres chempıonattarynyń birneshe dúrkin jeńimpazy. Frantsýz kúresinen chempıon ataǵyn jeńip alǵan, asa aýyr salmaqta ótkiziletin klassıkalyq kúreste búkilodaqtyq jáne álem chempıonattarynyń birneshe ret jeńimpazy atanǵan tuńǵysh qazaq balasynyń ǵumyrymen óskeleń urpaq tanysý kerek, bilý kerek, ulyqtaý ári úlgi alý kerek degen nıetpen úlken ekranda jarq etpek.