Álem chempıony atanǵan karateshilerge qurmet kórsetildi
Almaty qalasynda 24-26 qarasha kúnderi kıokýshınkaı-kan karateden ótken álem chempıonatynda jeńimpaz atanǵan astanalyq 8 sportshy qala ákiminiń orynbasary Eset Baıkenniń qabyldaýynda boldy, dep habarlaıdy Kazinform elorda ákimdiginiń resmı saıtyna silteme jasap.
Eset Baıken sportshylardy álem chempıonatyndaǵy jeńisimen quttyqtady.
«Halyqaralyq arenalarda tolaǵaı tabystarǵa qol jetkizgen jerlesterimiz álem aldynda el abyroıy men mártebesin arttyryp júr. Sizder de mine, Almatyda karateden ótken álem chempıonatynda joǵarǵy sporttyq sheberlik tanytyp, jetistikterińizben qýanttyńyzdar.
Elordalyq qurama 8 altyn, 9 kúmis jáne 16 qola medal jeńip aldy. Osylaısha el quramasynyń jalpykomandalyq altyn medalin jeńip alýǵa úlken úles qosty. Birden 8 astanalyq karateshi álem chempıony atandy.
Osy tusta jattyqtyrýshylardyń eńbegin atap ótken jón. Sizderdiń qanshama jyldyq eńbekterińizdiń arqasynda bizdiń sportshylar tabandylyq pen batyldyqtyń naqty úlgisin kórsete aldy», - dedi qala ákiminiń orynbasary.
Esterińizge salsaq, 2 jylda bir ret ótetin álem chempıonaty osy jyly óz elimizde, Almaty qalasynda ótti. Jarysta 700-ge jýyq sportshy, 35 qurama komanda baq synady.
Qazaqstandyq qurama eń joǵary kórsetkishke jetip, jalpykomandalyq esepte I orynǵa qol jetkizdi.
