Álem chempıondyǵyna bir taban jaqyndaǵanymdy sezemin - Qanat Islam
ASTANA. QazAqparat - WBO NABO men WBA Inter-Continental belbeýleriniń ıegeri Qanat Islam (25-0, 20 KO) jańa menedjermen birge chempıondyq jekpe-jekterge jetetinine senimdi, dep habarlaıdy QazAqparat Youtube jelisindegi BerikTV arnasynasilteme jasap..
«Biz Egıs myrzamen kezdesip, birge jumys isteýge kelisimshartqa otyrdyq. Zalǵa kelip, bárimen tanysyp jatyrmyn. Bul jerden kóptegen álem chempıondary shyqqan. Bul kisiniń qolynda da qanshama álem chempıondary daıyndalady. Sol sebepti bul men úshin - úlken bir múmkindik. Álem chempıondyǵyna jetý úshin taǵy bir taban jaqyndaǵanymdy sezip jatyrmyn. Osy jaqsy múmkindikti paıdalanyp, aldaǵy úlken jekpe-jekterde qazaqtyń kók Týyn jelbiretemiz dep oılaımyn», - deıdi Q.Islam.
Aıta keteıik, búgin Qanat Islam óziniń Instagram jelisindegi paraqshasy arqyly AQSh-tyń tanymal menedjerimen kelisimshartqa otyrǵanyn resmı jarııalady.
Foto: tm-production.kz
