Álem chempıondary Golovkınnen qashyp júr - Abel Sanches
ASTANA. QazAqparat - Orta dıvızıonda WBA/IBO nusqasy boıynsha álem chempıony Gennadıı Golovkınniń bapkeri Abel Sanches qazirgi kezde joǵary sanatqa aýysýǵa esh sebep joq ekenin alǵa tartyp otyr.
Onyń sózine qaraǵanda, aldymen olar óz sanattaryn basqa chempıondardan tazartyp alýǵa nıetti, ıaǵnı orta salmaqta barlyq múmkindikterin kórsetpekshi.
Sanchestiń aıtýynsha, WBO chempıony Pıter Kvıllın qashyp júr. «Eger de ol Golovkınmen jekpe-jekke shyqqysy kelmeıtindigin málimdese, onda biz ony umytamyz. Sonymen qatar WBC chempıony Serhıo Martınes bizben kezdesýden bas tartsa, onda bizge IBF chempıony Felıks Shtýrm ǵana qalady», -deıdi bapker.
Onyń paıymynsha, osy sanattaǵy barlyq nusqalar eńserilmegendikten Gennadııdiń joǵary qaraı jyljýyna baǵyt berý orynsyz bolady.
Vesti.kz saıtynyń jazýynsha, G. Golovkın kelesi otyzynshy aıqasyn 26 sáýirde Nıý-Iorkte ótkizbek. Qazaqstan boksshysyna qarsylas retinde ırlandııalyq Endı Lı shyǵady dep kútilýde.
