Álem chempıonatynyń úzdik fýtbolshysy kim?
ASTANA. QazAqparat - Fýtboldan álem chempıonatynyń úzdik oıynshylary anyqtaldy, dep habarlaıdy QazAqparat.
Horvatııa quramasynyń kapıtany Lýka Modrıch Reseıde ótken Álem chempıonatynyń úzdik fýtbolshysy atandy. Osylaısha, ol týrnırdiń «Altyn dobyna» ıe boldy. «Kúmis dop» Belgııa kapıtany Eden Azarǵa buıyrsa, «Qola dopty» Frantsııa shabýylshysy Antýan Grızmann aldy.
Álem chempıonatynyń eń úzdik jas oıynshysy bolyp frantsııalyq Kılıan Mbappe tanyldy. Ol Reseı stadıondarynda 4 gol soqty. Onyń bireýin fınalda Horvatııa quramasynyń qaqpasyna engizdi.
Týrnırde 6 gol soqqan aǵylshyn Harrı Keın úzdik shabýylshy atansa, úzdik qaqpashyǵa beriletin «Altyn qolǵap» belgııalyq Tıbo Kýrtýanyń enshisinde ketti.
Eske salaıyq, búgin Álem chempıonatynyń fınalynda frantsýzdar Horvatııa quramasyn 4:2 esebimen utty.
