Álem chempıonatynyń ¼ kezeńinde qazaqstandyq boksshy qyzdardyń qarsylastary kim

NUR-SULTAN. QazAqparat –Bokstan qyzdar arasynda ótip jatqan Álem chempıonatynda Qazaqstan sportshylarynyń ¼ fınalda kezdesetin qarsylastary anyqtaldy, dep habarlaıdy QazAqparat Sports.kz saıtyna silteme jasap.

Álem chempıonaty-2022-niń shırek fınalynda Qazaqstan atynan 6 boksshy shyǵady: Alýa Balqybekova (48 kg), Jaına Shekerbekova (52 kg), Dına Jolaman (54 kg), Karına Ibragımova (57 kg), Valentına Halzova (70 kg) jáne Gúlsaıa Erjan (81 kg).

¼ fınal:

48 kg - Alýa Balqybekova — Nıtý (Indııa)

52 kg - Jaına Shekerbekova — Olena Savchýk (Italııa)

54 kg - Dına Jolaman — Elena Zekıch (Serbııa)

57 kg - Karına Ibragımova — Mıkaela Ýolsh (Irlandııa)

70 kg - Valentına Halzova — Keı Skott (Avstralııa)

81 kg - Gúlsaıa Erjan — Gabrıele Stonkýte (Lıtva)

Túrkııanyń Ystanbul qalasynda ótip jatqan álemdik doda 9 mamyrda bastalǵan bolatyn. El namysyn qorǵaýǵa 12 boksshy attandy.

Ókinishke qaraı, Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Nadejda Rıabets (75 keli) jáne Lázzat Kúngeıbaeva (81 keliden joǵary) jarys jolynan shyǵyp qaldy.

Fınaldyq saıystar 19-20 mamyr kúnderine belgilengen.

Qazaqstan aýmaǵynda tikeleı kórsetilimdi «Qazsport» telearnasy qamtamasyz etip otyr.