Álem chempıonatynyń irikteý matchyna qatysatyn Qazaqstan fýtzal quramasy anyqtaldy
ASTANA. QazAqparat – Fýtzaldan Qazaqstan ulttyq quramasynyń bas bapkeri Rıkardo Kaka oqý-jattyǵý jıynyna shaqyrylǵan oıynshylar tizimin jarııa etti, dep habarlaıdy QazAqparat tilshisi.
Qazaqstan fýtbol federatsııasynan málim etkendeı, ulttyq qurama 2024 jylǵy álem chempıonatynyń irikteý matchyn Slovenııa quramasymen ótkizedi.
Qos qurama buǵan deıin ótken jyldyń qazanynda Astanada kezdesip, onda Kaka shákirtteri 2:0 esebimen jeńgen bolatyn.
Qazirgi kezde Qazaqstan quramasy týrnır kestesinde 9 upaımen kósh bastap keledi. Oǵan irikteý saıysynyń elıtalyq kezeńine ótý úshin bir-aq qadam qalyp tur.
Atalmysh oıynǵa daıyndyq 28 aqpan kúni Almatyda bastalady. Tizimge 17 fýtzalshy endi.
Qazaqstan quramasyna «Atyraýdan» Jaqsylyq Amandosov pen «Aqtóbeden» Damır Qaıyrbaı alǵash ret shaqyrtý aldy.
Komanda kapıtany Leo Igıta jaraqattan keıin qalpyna kelý ústinde.
Fýtzaldan Qazaqstan quramasy:
Qaqpashylar: Nurálem Baıdolla («Rahmet»), Raýan Atantaev («Astana»), Naryn Serikov («Qaırat»)
Alańdaǵy oıynshylar:Dýglas, Dáýren Nurǵojın, Shyńǵys Esenamanov, Dáýren Tursaǵulov, Albert Aqbalyqov, Edson, Birjan Orazov (bári de – «Qaırat»), Taınan («El-Poso», Ispanııa), Leo («Joınvıl», Brazılııa), Azat Valıýllın («Aıat»), Arnold Knaýb, Raıymbek Juma (ekeýi de – «Kaspıı»), Jaksylyq Amandosov («Atyraý»), Damır Qaıyrbaı («Aktobe»).
Aıta keteıik, Slovenııamen match 8 naýryz kúni Marıborda «Dvorana Tabor» sport kesheninde ótedi. Kezdesý Astana ýaqytymen saǵat 23.00-de bastalady.
Foto: Qazaqstan fýtbol federatsııasy
