Álem chempıonatynyń Azııalyq fınaldyq dárejelik raýndynda jeńilissiz kele jatqan Qazaqstan men Qytaı quramalary ózara kúsh synasýda
ALMATY. 30 qyrkúıek. QazAqparat - Qytaıdyń Chenjoý qalasynda voleıboldan áıelder arasynda 2014 jylǵy Álem chempıonatynyń Azııalyq fınaldyq dárejelik raýndy ótip jatyr.
Alǵashqy 2 kezdesýdiń qorytyndysy boıynsha múmkin bolǵan eń joǵarǵy 6 upaıdy tolyq óz qorjynyna salǵan Qazaqstan men Qytaı quramalary búgin ózara kúsh synasýda. Aleksandr Gýtor jattyqtyratyn qazaqstandyqtar senbi kúni ońtústik koreıalyqtardy 3:1 (21:25, 25:22, 25:17, 25:14), jeksenbide jańazelandııalyqtardy 3:0 (25-12, 25-14, 25-7) esebimen utty. Al qytaılyqtar jumada úndistandyqtardy (7-25, 8-25, 10-25), senbide jańazelandııalyqtarly (25-4, 25-7, 25-7) 3:0 esebimen jeńgen bolatyn. Al 6 upaımen úshinshi orynda kele jatqan ońtústikkoreıalyqtardyń olardan bir oıyny artyq. Olar úndistandyqtardy 3:0 (25-15, 25-19, 25-18), jańa zelandııalyqtardy 3:0 (25:9, 25:8, 25:10) esebimen qapy qaldyrdy. Búgin jańazelandııalyqtardy 3:0 (25:18, 25:13, 25:15) esebimen jeńip 3 upaıǵa ıe bolǵan úndistandyqtar tórtinshi orynǵa kóterildi.
Jalpy 1 qazanǵa deıin sozylatyn bul jarysta úzdik shyqqan 2 komanda Álem chempıonatynyń joldamasyn ıelenedi. Qazaqstandyqtar aqyrǵy oıynyn úndistandyqtarmen, al jarys qojaıyndary ońtústikkoreıalyqtarmen ótkizetin bolady.
