Álem chempıonatynyń altyn jáne kúmis júldegerleri Denıs Ten men Denıs Kýzın QR eńbek sińirgen sport sheberi ataǵyna usynyldy
ASTANA. 27 naýryz. QazAqparat - Mánerlep syrǵanaýdan álem chempıonatynyń kúmis júldegeri Denıs Ten men Álem chempıonatynda konkımen syrǵanaýda altyn medal alǵan Denıs Kýzın Qazaqstan Respýblıkasynyń eńbek sińirgen sport sheberi ataǵyna usynyldy.
Bul týraly búgin elordada ótken baspasóz máslıhaty barysynda QR Sport jáne dene shynyqtyrý isi agenttiginiń tóraǵasynyń orynbasary Elsııar Qanaǵatov málim etti.
«Qujattar tapsyryldy jáne ol komıssııa tarapynan qaralady. Degenmen, men olardyń qazirdiń ózinde eńbek sińirgen sport sheberi ekendikterin aıta alamyn», - dedi ol.
Sondaı-aq, BAQ ókilderiniń sportshylarǵa qandaı syıaqy beriledi degen saýalyna jaýap bergen ol: «Bizde bekitilgen syıaqy bar. Ony olar taıaý ýaqytta alady. Buǵan qosa men federatsııa, «Samuryq Qazyna» jáne óńirler óz syıaqylaryn daıarlap otyrǵanyn bilemin», - dedi.
Esterińizge sala keteıik, Kanadanyń London qalasynda ótken mánerlep syrǵanaýdan Álem chempıonatynda Denıs Ten kúmis medal ıelengen bolatyn. Bul - elimizdiń osy sport túri salasyndaǵy alǵashqy medali. Onyń ústine Denıs Ten 2014 jyly Sochı qalasynda ótetin 32-shi qysqy olımpıada oıyndaryna 2 lıtsenzııa jeńip aldy.
Al, Denıs Kýzın Sochı qalasynda ótken konkı sportynan olımpıada aldyndaǵy Álem chempıonatynda altyn medal utyp alǵan edi.
