Álem chempıonatynyń aldynda FIFA shyǵynǵa batyp jatyr
ASTANA. QazAqparat - 2017 jyly basty fýtbol uıymynyń qarjylyq shyǵyndary osy ýaqytta $ 369 mln-ǵa jetti, dep habarlaıdy «QazAqparat» HAA.
FIFA (Fýtbol qaýymastyqtarynyń halyqaralyq federatsııasy) uıymynyń shyǵyndary úshinshi jyl qatarynan onyń kirisinen asyp ketip otyr. Halyqaralyq fýtbol federatsııasynyń prezıdenti Djannı Infantıno mundaı shyǵyndardyń ádettegi, zańdy jaǵdaı ekendigine sendirýde.
«Men keıbireýlerdiń FIFA uıymynyń qarjylyq jaǵdaıy týraly jazyp júrgendigine qaramastan, ózimizdiń jaǵdaımymyzdyń myǵym ekendigin jetkizgim keledi. Álem chempıonatynyń aldynda úsh jyl shyǵynǵa batý qalypty jaǵdaı. Bizdiń bıznes-úlgimiz osylaı jumys isteıdi. Esh kúmán keltirmeýlerińizge bolady, bizdiń jaǵdaıymyz myǵym»,-dedi Infantıno FIFA uıymynyń resmı saıtynda.
