Álem chempıonatynyń aqtyq synyna úsh qazaqstandyq boksshy qyz shyqty
ASTANA. QazAqparat - 20 jastaǵy Valentına Halzova Astanada ótip jatqan álem chempıonatynyń fınalyna ótti.
Bunyń aldynda Dına Jolaman men Nazym Qyzaıbaı álemdik birinshiliktiń aqtyq synyna joldama alǵan bolatyn.
69 kelide óner kórsetetin Halzova jartylaı fınalda Germanııa sportshysy Nadın Apettspen judyryqtasqan. Onyń nátıjesi boıynsha qazaqstandyq boksshy kezdesýdi 3:0 (40:36, 40:36, 40:36) esebimen aıqyn jeńispen aıaqtady.
Eske sala ketsek, Nazym Qyzaıbaı 48 kelide óner kórsetedi jáne ol 1\2 fınalda Soltústik Koreıa bylǵary qolǵap sheberi ıAng Gým Ýdi jeńgen edi. Al 54 kelide judyryqtasatyn Dına Jolaman qytaılyq Lıý Pıaopıaony tize búktirdi.
Endi keshki sessııada Jaına Shekerbekova jartylaı fınaldyq kezdesýin ótkizedi.
