Álem chempıonatyndaǵy sensatsııa: Marokko 1/8 fınalda Ispanııany jeńip ketti

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin 1/8 fınalynyń tórtinshi oıyn kúninde Marokko men Ispanııa quramalary kezdesti, dep habarlaıdy QazAqparat tilshisi.

Eki qurama óziniń tarıhynda úshinshi márte kezdesip otyr. Bireýinde teń nátıje tirkelse, ekeýinde ıspanııalyq fýtbolshylar basym tústi.

Kezdesý barysynda qos quramanyń da gol soǵatyn múmkindigi az bolǵan joq. Degenmen ony sátti paıdalana alǵan joq. Birinshi jáne ekinshi kezeńde jeńimpaz anyqtalmady.

Qosymsha eki kezeńde de quramalar bir-biriniń qaqpasynan sańylaý taba alǵan joq.

Penaltı tebýde Marokko múlt ketken joq. Osylaısha olar taǵy bir márte sensatsııa jasady. Jarysty jalǵastyrýǵa múmkindik aldy.

Sondaı-aq, 6 jeltoqsanda elorda ýaqytymen 1.00-de Portýgalııa men Shveıtsarııa kezdesýi «Qazaqstan» men «Qazsport» telearnalarynan kórsetiledi.

Ispanııa quramasy sońǵy Eýropa chempıonatynda jartylaı fınalǵa deıin jetti. Jarystyń atalǵan satysynda penaltıden Italııaǵa jol berip qoıdy.

Marokko bıyl álem chempıonatyna altynshy márte qatysyp otyr. Buǵan deıin 1986 jyly 1/8 fınalǵa deıin jetken edi.