Álem chempıonatyndaǵy erkin kúresshilerdiń sońǵy úmiti endi Aqjúrek Tańatarovqa artylady
ALMATY. 18 qyrkúıek. QazAqparat - Vengrııanyń Býdapesht qalasynda kúres túrlerinen ótip jatqan Álem chempıonatynda jarystyń alǵashqy 2 kúni de qazaqstandyq erkin kúresshiler úshin sátsiz aıaqtaldy.
Rasýl Qalıev (55 kg), Dáýren Jumaǵazıev (66 kg), Taımýraz Tagıev (96 kg), Dáýlet Nııazbekov (60 kg), Aslan Kahıdze (84 kg), Dáýlet Shabanbaı (120 kg) úzdikter qataryna iline almady.
Búgin endi Rýslan Ómiralıev baptaıtyn erkin kúresshiler quramasynyń sońǵy úmiti Aqjúrek Tańatarovqa (74 kg) artylyp otyr. Bul kúni sondaı-aq áıelder kúresinen Zýlfııa ıAhıarova (48 kg) men Tatıana Amanjol (51 kg) da óz baqtaryn synaıtyn bolady.
Al erteń Aıjan Ismaǵulova (55 kg), Djýlııa Satymbekova (59 kg) men Ekaterına Larıonova (63 kg) jarys kórigin qyzdyrýǵa tyrysady.
