Álem chempıonatyndaǵy eń qymbat qurama anyqtaldy
ASTANA. QazAqparat - Qatarda ótip jatqan álem chempıonatynda fýtbolshylardyń baǵasyna saraptama jasalyp, eń qymbat qurama anyqtaldy, dep habarlaıdy QazAqparat tilshisi.
Fýtbol statıstıkasyna mamandanǵan Transfermarkt portalynyń habarlaýynsha, mýndıaldaǵy eń qymbat komanda - Anglııa quramasy. Olardyń jalpy baǵasy 1 mlrd 260 mln eýrony qurady. Atalǵan quramadaǵy eń qymbat oıynshy - Garrı Keın 100 mln eýroǵa baǵalanǵan.
Ekinshi orynda Frantsııa tur (953,5 mln eýro). Qymbat oıynshysy - Kılıan Mbappe - 160 mln eýro.
Al Brazılııa quramasynyń baǵasy 899,5 mln eýro dep eseptelse, Vınısıýs Jýnıor 100 mln eýro turady.
Odan keıingi oryndardaǵy Ispanııa - 798 mln, Germanııa - 728,5 mln, Nıderlandy - 658,5 mln, Argentına - 641,7 mln, Belgııa 465,5 mln eýro dep baǵalanady.
Aıta ketsek, buǵan deıin álem fýtbolynyń juldyzdary Lıonel Messı men Krıshtıaný Ronaldý fýtboldan álem chempıonaty fınaldyq satysyna besinshi márte qatysatynyn jazdyq.
Sondaı-aq, fýtboldan álem chempıonatyna qaı komanda kóp oıynshy jibergen belgili boldy.
Eske salsaq, búgin A tobynda Senegal - Nıderlandy, V tobyndaǵy Anglııa - Iran, AQSh - Ýels oıyndary bolady.
Foto: championat.com
