Álem chempıonatynda Ońtústik Amerıka men Eýropa quramalary on birinshi márte kezdespek

ASTANA. QazAqparat - Fýtboldan álem chempıonatynyń fınalynda Ońtústik Amerıka jáne Eýropa qurlyǵy ókilderi on birinshi márte kezdesip otyr, dep habarlaıdy QazAqparat tilshisi.

Aıta ketsek, búgin, 18 jeltoqsanda fınalda Argentına - Frantsııa quramalarynyń kezdesýi bolady. Oıyn elorda ýaqytymen 21:00-de «Qazaqstan» jáne «Qazsport» telearnalarynan tikeleı efırde kórsetiledi.

Qazirge deıingi 10 kezdesýdiń 7-inde Ońtústik Amerıka qurlyǵynyń ókilderi jeńiske jetse, qalǵanynda eýropalyq quramalardyń mereıi ústem boldy.

Qos qurlyq arasyndaǵy básekede Brazılııa bes márte jeńiske jetti. Olar 1958 jyly Shvetsııany 5:2, 1962 jyly Chehoslovakııany 3:1, 1970 jyly Italııany 4:1, 1994 jyly penaltıden 3:2 (negizgi kezeńde 0:0) esebimen jeńdi. Al 2002 jyly Germanııany 2:0 esebimen tize búktirdi.

Al qos qurlyqtyń básekesinde Argentına men Germanııa 2, Frantsııa 1 márte jeńimpaz atandy.

Sondaı-aq, 1950 jyly bas júlde ıesi toptyq kezeńde belgili bolsa, qalǵanynda eýropalyq quramalar ózara jeńimpazdy anyqtady.

Eske salsaq, budan buryn qola júlde ıesi anyqtaldy.

FOTO: DAVID RAMOS/GETTY IMAGES