Álem chempıonatynda Meksıka men Polsha teń tústi

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń úshinshi oıyn kúninde S tobyndaǵy Meksıka jáne Polsha quramalary kezdesti, dep habarlaıdy QazAqparat tilshisi.

Kezdesý barysynda quramalar terezesi teń deńgeıde oıyn kórsetti. Bir-biriniń qaqpasy mańynda shabýyl uıymdastyryp, gol soǵatyn múmkindikti izdedi. Dese de birinshi kezeńde eshqandaı shabýyl nátıjesin bergen joq.

Ekinshi kezeńde de oıyn barysy dál solaı órbidi. Oıynnyń 58-mınýtynda Meksıka qaqpasyna belgilengen penaltıden polshalyq Robert Levandovskı múlt ketti.

Quramalar 0:0 esebine qanaǵat bildirdi.

Eske salsaq, atalǵan topta búgin Argentına quramasy Saýd Arabııasynan jeńildi.

Sondaı-aq D tobyndaǵy Danııa men Týnıs quramalary teń tarqasty.

Al atalǵan toptaǵy Frantsııa men Avstralııa kezdesýi elorda ýaqytymen 01:00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.