Álem chempıonatynda qyzylordalyqtar 6 júldege qol jetkizdi
QYZYLORDA. QazAqparat - Astana qalasynda belbeý kúresinen erler jáne áıelder arasynda ótken XV Álem chempıonatynda qyzylordalyq sportshylar 6 júldeni (2 kúmis, 4 qola) ıelendi, dep habarlady QazAqparat tilshisi oblystyq dene shynyqtyrý jáne sport basqarmasyna siltem jasap.
Belbeý kúresinen oblystyń aǵa jattyqtyrýshysy Ábdisattar Sadyqov jetekshilik jasaǵan jerlesterimiz namysty qoldan bermeı laıyqty óner kórsetti.
Dúbirli básekege oblystan 8 sportshy qatysyp, onyń 6-y júldemen oraldy. Atap aıtsaq, 62 keli salmaqta Raıymbek Rantaev pen 80 keliden joǵary salmaqta synǵa túsken Merýert Abýbakır kúmis júldeni enshiledi.
Al Rahat Sovetov (57 keli), Nılýfar Abılova (63 keli), Nurlybek Aldabergenov (68 keli) jáne Mereke Qudaıbergenovalar (71 keli) qola júldege ıe boldy.
Aıta keteıik, jarysqa 22 memleketten 200-den asa sportshy qatysty.
