Álem chempıonatynda qazaqstandyqtardan 16 boksshy jartylaı fınalǵa shyqty
ALMATY. 26 qyrkúıek. QazAqparat - Bokstan Bolgarııanyń Albena qalasynda ótip jatqan jasóspirimder men jastar arasyndaǵy Álem chempıonatynyń erteń jartylaı fınaldyq oıyndar ótedi. 22 qyrkúıekte bastalǵan bul dúbirli dodada jastar - 10, jasósipirimder 13 salmaq dárejesi boıynsha baq synaǵan bolatyn.
Qazaqstan quramasynan jartylaı synǵa jastardan 10 boksshynyń beseýi, jasóspirimderden 13 boksshynyń on biri birdeı súrinbeı shyqty. Endi Álem chempıonatynyń júldesi úshin Alýa Balqybekova (48 kg) ýkraınalyk Hanna Ohotamen, Aıdana Arapbaeva (60 kg) Halyqaralyq áýesqoı boks qaýymdastyǵy (AІVA) usynǵan Sımranjıt Kaýr Baathpen (Simranjit Kaur Baatth), Gaýhar Ermekbaı (69 kg) amerıkalyq Samanta Marıa Kınshenmen (Samantha Maria Kinchen), Valentına Halzova (75 kg) polshalyq Elzbıeta Ýojsıkpen (Elzbieta Wojcik) , Anastassııa Pylına (81 kg) reseılik Ekaterına Serovamen kúsh synasady. Al Nazerke Jurǵaraeva (46 kg) ıtalıandyq Roberta Bonattımen, Asyl Asqarova (48 kg) AIBA usynǵan Asha Rokamen, Áıgerim Oshaqbaı (52 kg) frantsııalyq Santıana Meýrantpen, Balaýsa Muzdıman (54 kg) reseılik Oksana Smırnovamen, Nazym Ishshanova (57 kg) amerıkalyq Jajaıra Gonzalezben (Jajaira Gonzalez), Ekaterına Anıssımova (60 kg) ırlandııalyq Kıara Gıntımen, Aıda Ábikeeva (63 kg) polshalyq Jýstına Ýalaspen, Lıýbov Hasıeva (66 kg) polshalyq Larısa Sabınıarzben, Baıan Aqbaeva (70 kg) frantsııalyq Davına Mıshelmen, Altyn Muqyshbekova (75 kg) taıpeılik Nıen-Shın Shenmen, Aqmaral Shamshıdenova (80 kg) bolgarııalyq Vıktorııa Mıhaılovamen judyryq túıistiredi.
