Álem chempıonatynda qazaqstandyq jaǵajaı voleıboshylary qyzdar arasynda 7-oryn aldy
ALMATY. 27 maýsym. QazAqparat /Erlik Erjanuly/ - Maýsymnyń 22- 26 kúnderi Horvatııanyń Ýmag qalasynda jaǵajaı voleıbolynan 18 jasqa deıingi erler áıelder komandalary arasynda Álem chempıonaty ótti.
Oǵan erler arasynda -38, áıelder arasynda 36 komanda qatysty. El namysyn qyzdar arasynda Baqtygúl Samalıkova men Lıýbov Bogat, Oksana Pılıpenko men Anna Alıfırenko, erler arasynda Alekseı Orlov pen Sergeı Tsykýnov, Sergeı Bogat pen Vladıslav Pýstynnıkov juptary qorǵady. Sergeı men Alekseı, Oksana men Annanyń juptary dárejelik synnyń birinshi kezeńinde, Sergeı men Vladıslav ekinshi kezeńde jarys jolynan shyǵyp qaldy. Al Baqtygúl men Lıýbov jarystyń negizgi dárejelik synnan sátti ótip, jarystyń basty kezeńinde jartylaı fınalǵa deıin jetip, 7-oryn aldy. Olar 1-dárejelik synda cheh qyzdaryn (2:0), 2-dárejelik synda ıtalıandyq qyzdardy (2:1) utty. Odan jarystyń negizgi kezeńinde Avstrııa (2:1) men Portýgalııa (2:0) sportshylarynan basym túsip "V" tobynda úzdik shyqty. Júldeli oryndar úshin bolǵan 1/8 synda ıspandyqtardy (2:1) qapy qaldyrǵanmen, shırek fınalda frantsýzdardyń osal tusyn taba almady (0:2).
