Álem chempıonatynda qazaqstandyq boksshylar 2 altyn 1 kúmis jáne 5 qola medal oljalady
ALMATY. 15 qyrkúıek. QazAqparat - Ýkraınanyń Kıev qalasynda 7-15 qyrkúıek kúnderi bokstan jasóspirimder arasyndaǵy Álem chempıonaty ótti.
On úsh salmaq dárejesi boıynsha bolǵan dúbirli dodada Qazaqstan quramasynyń qorjynyna 2 altyn 1 kúmis jáne 5 qola medal tústi. Atap aıtqanda, Abylaıhan Júsipov (57 kg) reseılik Geseın Magomedovty, Rahat Marjyqpaev ázirbaıjandyq Rovshan Mýsaevty utyp, Álem chempıony atandy. Al aqtyq synda tek jarys qojaıyny Ramıl Gadjıevke ese jibergen Qadyrbek Sádirbek (70 kg) kúmis júldeni qanaǵat tutty. Buǵan deıin jartylaı fınalda Dmıtrıı Zısko (+80 kg) reseılik Rýstam Ibraıhalıevke, Baýyrjan Temirhan (52 kg) men Serik Temirjanov (48 kg), amerıkandyq Shakýr Stevenson men Danıel Gonzalezke, Stoıan Mazýr (50 kg) men Álimjan Beskempir (46 kg), kýbalyq Maıkel Barrero men Johnıs Perezke utylyp, qola júldelerdi oljalaǵan edi.
