Álem chempıonatynda qazaqstandyq balýandar úmitti aqtamady
ASTANA. 17 qyrkúıek. QazAqparat - Keshe kúresten Vengrııanyń Býdapesht qalasynda álem chempıonaty bastaldy. Birinshi kúnde qazaqstandyq balýandar úmitti aqtamady.
55 kelidegi úmitimiz Rasýl Qalıev ırandyq Farman Hassan Rahımıden 6:0 esebimen utylyp qaldy. Degenmen, Rahımı fınalǵa shyǵyp, Rasýl jubanysh beldesýine múmkindik aldy. Jubanysh kezdesýdiń alǵashqysynda Qalıev koreıalyq Kım Song Ýondy jáne qyrǵyz Altynbek Álimbaevty jeńdi. Biraq qolaǵa talas kezinde reseılik Narıman Israpovtan taza utyldy.
66 kelide Dáýren Jumaǵazıevtiń de joly bolmady. Ol alǵashqy beldesýde qytaılyq Djıanfý Djangty utqanymen keıin kanadalyq Haıslen Garsııaǵa 2:3 esebimen jeńilip qaldy. Haıslen de fınalǵa shyǵa almaı, Jumaǵazıev qoladan da úmitin úzdi.
96 kelide Taımýraz Tıgıev alǵashynda Hýderbýlga Borkhandty jeńgenimen reseılik Anzor Boltýkaevtan utylyp qaldy. Boltýkaev ta fınalǵa shyǵa almaǵandyqtan Tıgıevtiń de qorjyny bos, dep jazady alaman.kz.
