Álem chempıonatynda erkin kúresshilerdiń qorjyny bos qaıtatyn boldy
ALMATY. 19 qyrkúıek. QazAqparat - Vengrııanyń Býdapesht qalasynda kúres túrlerinen ótip jatqan Álem chempıonatynda jarystyń alǵashqy 3 kúniniń qorytyndysy boıynsha qazaqstandyqtardyń qorjyny áli bos kele jatyr. Rýslan Ómirálıev baptaıtyn erkin kúresshiler birde-bir júldege qol jetkize almady. Olar 2011 jyl Túrkııada ótken sońǵy Álem chempıonatynda 2 qola medalmen oralǵan edi. Komandalyq esepte bul dodada 2 altyn, 1 kúmis, 2 qola medalmen Iran quramasy birinshi oryn aldy. Ekinshi oryndy 2 altyn, 3 kúmispen Reseı, úshinshi oryndy 1 altyn, 1 kúmis, 1 qola júldemen Grýzııa sportshylary túıindedi.
Keshe sondaı-aq, Gýzel Manıýrova tizginin ustaǵan áıelder kúresinen óz beldesýlerin ótkizgen Zýlfııa ıAhıarova (48 kg) men Tatıana Amanjol (51 kg) da júldeden tys qaldy. Búgin endi Aıjan Ismaǵulova (55 kg), Djýlııa Satymbekova (59 kg) jáne Ekaterına Larıonova (63 kg) baq synaıdy. Al erteń Elmıra Syzdyqova (67 kg) men bapkerlikti qatar atqaryp júrgen Gýzel Manıýrova (72 kg) jáne grek-rım sheberlerinen Nursultan Qalmyrzaev (55 kg) óz beldesýlerin ótkizedi. Odan keıin senbide Almat Kebispaev (60 kg), Nursultan Tursynov (84 kg), Erulan Ysqaqov (96 kg), al jeksenbide Erbol Qonyratov (66 kg), Ashat Dilmuhamedov (74 kg), Nurmahan Tinálıev (120 kg) eldiń úmitin aqtaýǵa tyrysady.
