Álem chempıonatynda eki altyn Kýba boksshylaryna buıyrdy
ASTANA. QazAqparat - Bokstan Germanııanyń Gambýrg qalasynda ótip jatqan álem chempıonatynyń alǵashqy eki altyny Kýba boksshylaryna buıyrdy, dep habarlaıdy QazAqparat tilshisi.
Búgin álem birinshiliginiń fınaldyq jarystary ótip jatyr. Eń alǵash bolyp, 49 keli salmaqta synǵa túsken kýbalyk Hoanıs Arhılagos pen ózbekstandyq Hasanboı Dýsmatov arasyndaǵy tartysta Kýba qabylany qarsylasyn aıqyn basymdylyqpen utyp, otandastaryna alǵashqy altyn júldeni syılasa, ekinshi bolyp 52 keli salmaqta sharshy alańǵa shyqqan taǵy bir kýbalyq boksshy Josvan Vııtııa qarsylasynan aılasyn asyryp, ekinshi altyndy jeńip aldy. Vııtııanyń da qarsylasy ózbekstandyq boksshy Jasýrbek Latıpov bolatyn. Osylaısha eki ózbek boksshysy kúmis júldeni qanaǵat tutty.
Esterińizge sala keteıik, búgin qazaq eliniń atynan altynǵa Qaırat Eralıev (56 kg), Ábilhan Amanqul (75 keli) jáne (91 kelige astam) Qamshybek Qońqabaev talasady.
