Álem chempıonatynda barlyǵy ózimizge baılanysty bolady - Talǵat Jaılaýov
ASTANA. QazAqparat - Qazaqstannyń shaıbaly hokkeıden ulttyq quramasynyń shabýylshysy Talǵat Jaılaýovtyń pikirinshe, alda kele jatqan Álem chempıonatynda jetistikke jetý úshin qurama oıynshylary baryn salýy qajet. Bul týraly ol QazAqparat tilshisine bergen suhbatynda aıtty.
«Chempıonatta kóp nárse ózimizge baılanysty bolmaq. Maqsatymyz - joq degende úzdikterdiń altylyǵyna ený, al eń basty mindetimiz - jartylaı fınalǵa ótý. Barlyq oıyndarǵa tas-túıin daıyndalamyz. Árıne, favorıttermen oınaý qıyn bolatyny anyq, degenmen biz óz hokkeıimizdi kórsetemiz. Jaqsylap oınaımyz! Qazir eń bastysy - chempıonatqa barynsha nyq qadammen jetý», - dedi Talǵat.
Onyń aıtýynsha, daıyndyq jıyndarynyń alǵashqy 4 kúni qıyn bolǵan. Kóp jigitter demalysynan endi ǵana shyqqan. Degenmen, barlyǵy bar kúshimen daıyndyqqa kirisip ketti.
«Jeńiske degen ynta-jigerimiz mol. Kevın Dallman keldi, kóp keshikpeı Nıkolaı Antropov ta qosylady. Jattyqtyrýshy baryn salyp jatyr. Onyń bizden ne talap etetinin tolyq túsinemiz jáne sol talaptaryn oryndaýǵa tyrysamyz», - dedi hokkeıshi.
