Álem chempıonatynan bas júldemen oralǵan petropavldyq bı ujymynyń jetekshisi marapattaldy

NUR-SULTAN. QazAqparat – Petropavldaǵy «Sensitive» bal bıi ansambliniń kórkemdik jetekshisi Olga Rostovşıkova «Mádenıet salasynyń úzdigi» tósbelgisimen marapattaldy, dep habarlaıdy QazAqparat SQO ákimdiginiń resmı saıtyna silteme jasap.

«Sensitive» bı ansambli búkil álemdi baǵyndyrdy. AQSh-ta ótken sahnalyq ónerden álem chempıonatynyń jeńimpazdary elge oraldy. Ansambl ujymyna álemdik arenadaǵy zor tabysy úshin alǵys aıtamyn. Ansambldiń kórkemdik jetekshisi Olga Rostovşıkova «Mádenıet salasynyń úzdigi» tósbelgisimen marapattaldy», - deıdi Soltústik Qazaqstan oblysynyń ákimi Qumar Aqsaqalov.

Eske salsaq, Petropavldyń «Sensitive» bal bıi ujymy AQSh-tyń Kalıfornııa shtatynda ótken álem chempıonatyna qatysyp, gran-prıdi jeńip aldy.

Foto: gov.kz