Álem chempıonatyna qatysatyn boksshylar quramy belgili boldy
ASTANA. QazAqparat - Bokstan Gambýrgte ótetin álem chempıonatyna qatysatyn sportshylardyń esimderi belgili boldy, dep habarlaıdy QazAqparat tilshisi.
Álemdik doda 25 tamyz ben 2 qyrkúıek aralyǵynda ótedi. Onda Qazaqstan boksshylary 10 salmaq dárejesi boıynsha el namysyn qorǵamaq.
Ulttyq quramanyń bas bapkeri Myrzaǵalı Aıtjanov bul synda myna boksshylarǵa úmit artyp otyr.
Olar: 49 keli salmaqta Erjan Jomart, 52 keli salmaqta Azamat Isaqulov, 56 keli salmaqta Qaırat Eralıev, 60 kelide Ádilet Qurmetov, 64 kelide Bekdáýlet Ibragımov, 69 kelide Abylaıhan Júsipov, 75 kelide Ábilhan Amanqul, 81 kelide Erik Áljanov, 91 kelide Vasılıı Levıt jáne asa aýyr salmaqta Qamshybek Qońqabaev el namysyn qorǵaıdy.
