Álem chempıonatyna attanatyn ziltemirshilerdiń esimderi belgili boldy

Vesti.kz saıty habarlaǵandaı, keshe ótken negizgi oqý-jattyǵýdan keıin aýyr atletıkadan Qazaqstan quramasynyń bas bapkeri Alekseı Nı chempıonatqa baratyn sportshylardy iriktep aldy. Erler quramasyna Tımýr Hasarov pen Arlı Chonteı (56 kelige deıin), Albert Lınder (62 kelige deıin), Vladımır Sedov pen Almas Óteshev (94 kelige deıin), Eskendik Momynbekov, Sergeı Istomın jáne Zelimhan Ábýbákirov (105 kelige deıin jáne odan joǵary) kirse, áıelderdiń atynan Galına Mamotova (48 kelige deıin), Margarıta Elıseeva (53 kelige deıin), Sáýle Sádýaqasova (58 kelige deıin), Karına Gorıcheva (63 kelige deıin), Jazıra Japparqul (69 kelige deıin), Anastasııa Halıkova (75 kelige deıin) jáne Marııa Grabovetskaıa (75 keliden joǵary) el namysyn qorǵaıtyn boldy. Al Qazandaǵy jazǵy Ýnıversıadanyń kúmis medal ıegeri Aleksandr Zaıchıkov, Azııa oıyndarynyń júldegeri Kırıll Pavlov, Qazan Ýnıversıadasynyń chempıony Farhat Harkı jáne London Olımpıadasyna qatysqan sportshymyz Anna Nurmuhambetovaǵa demalys berildi. Aıta keteıik, aýyr atletıkadan Álem chempıonaty Polshanyń Vrotslav qalasynda qazannyń 20-26 aralyǵynda ótedi.