Álem chempıonatyn qazaqstandyq jaǵajaı voleıbolshylary sátsiz bastady
ALMATY. 2 shilde. QazAqparat - Keshe Polshanyń Stare ıAblonkı qalasynda jaǵajaı voleıbolynan 9-shy Álem chempıonatynyń alǵashqy oıyndary ótti.
Bul dúbirli dodaǵa tuńǵysh ret qatysyp otyrǵan Tatıana Mashkova men Irına Tsımbalova birinshi kezdesýde amerıkandyq Svıt pen Folma jubyna 0:2 (15:21, 17:21) esebimen ese jiberdi. Buǵan deıin olar «Grand Slem» Álemdik týrynyń Italııadaǵy kezeńdik jarysynda 1/8 fınalda kezdesken bolatyn. Onda amerıkandyqtar 1:2 (21-17, 19-21, 16-18) esebimen basym túsken edi. Búgin Mashkova men Tsımbalova juby ekinshi kezdesýin paragvaılyq sportshylarmen ótkizedi. Paragvaılyq Patı men Mıshel juby keshe gollandııalyq Van Gestel men Meppelınk jubyna 0:2 (13:21, 6:21) esebimen utylǵan bolatyn.
